ni Beth Gelena @Bulgary | September 17, 2025
Photo: Julia Barretto / IG
Hindi naiwasang mapag-usapan ang love life nina Julia Barretto at Gerald Anderson nang ibahagi ni Claudine Barretto sa panayam nina Ogie Diaz na marami na rin siyang naririnig at nababasa tungkol sa sitwasyon ng kanyang
pamangkin.
Nabanggit ni Ogie na isang volleyball player daw umano ang nali-link sa aktor.
Tinanong ng aktres kung sino’ng volleyball player, dahil marami raw siyang kaibigang players at fan siya ng PVL.
Halos lahat ng mga sikat na volleyball players ay binanggit ni Clau kaya tanong niya, isa raw ba roon ang sinasabing nali-link kay Gerald?
Sagot ni Ogie, matagal na raw kasi ‘yung nakitang nanood ng game ang aktor nang dahil kay Vanie Gandler.
Ang sabi naman daw ng aktor ay matagal na silang magkaibigan ni Gandler.
Ani Clau, “Ay, iba ang nakarating sa akin.”
Hindi na siya nagbigay pa ng ibang detalye pagkatapos noon. Hindi na rin daw siya nanonood ng volleyball dahil ayaw na niyang makita ang aktor.
“Nagkikita ba kayo ni Gerald ‘pag nanonood ka?” tanong ni Ogie.
“Ah, hindi. Buti na lang,” sagot ni Clau.
Komento ng mga netizens:
“Maganda naman talaga ‘yung Gandler. Totoong mestiza, eh. Foreigner ‘yung tatay. Aleman ba? Eh, si Julia, si Dennis lang naman ang tatay, kaaway pa n’ya.”
“Pero face value, mas maganda si Julia. Pure Pinay pa.”
“Since when did VG become prettier than JB? Ang ganda ni JB, layo ng face value. Skin din, maganda. The guy just can’t be contented.”
“Of Spanish descent ang mga Barretto sa tatay nina Marjorie. Distant relative ng tatay nilang si Miguel ang Spanish singer na si Junior na kumanta ng But If You Leave Me (BIYLM) noong 1970s.”
“Close ba mga babies n’ya (assuming Creamline players) kay Vanie? Anyway, it’s not our story to tell. Pero ano pa bang expected kay Gerald. Pero if true, Vanie, run. Mas marami pang masarap d’yan na faithful at loyal naman.”
“Halatang may naririnig s’ya sa mga kakilala n’ya sa volleyball.”
“Oo, kaya nag-stop muna s’ya manood ng games.”
Hindi naman umayon ang isang commenter sa sagot ng aktres about Julia at Gerald’s love life.
Aniya, “Sa totoo lang, napakapangit tingnan ‘pag ang isang aunt ay nakikialam pa sa love life ng pamangkin na isa nang ganap na adult!
“Ang relasyon ay usaping personal na dapat pinapahintulutan ang bawat isa na magdesisyon para sa sarili. Kung may naging problema man ang pamangkin niya at ang ex-boyfriend nito, labas na s’ya doon.
“Hindi nararapat na pakialaman pa, dahil imbes na magmukhang nagmamalasakit, lumalabas itong pakikialam nang wala sa lugar. Sa halip na maging gabay o tagasuporta, nagiging sanhi pa ng gulo at intriga.
“Sa panahon ngayon, lalo na’t may sapat na edad at pag-iisip na ang pamangkin, dapat igalang ang kanyang kakayahang humawak ng sariling relasyon.
“Ang tunay na pagmamahal at malasakit ay hindi ipinapakita sa pamamagitan ng panghihimasok, kundi sa pagbibigay ng tiwala at respeto sa kanyang sariling mga desisyon.”
Well, ano kayang sey ni Julia Barretto sa pahayag ng tita niyang si Claudine Barretto tungkol kay Gerald Anderson?
Inamin ng aktres na si Kylie Padilla na nagiging kuripot na siya pagdating sa second chances after ng kanyang pinagdaanan sa buhay.
Kaya pala sa teleserye nilang My Father’s Wife (MFW) ay sobrang intense ang kanyang pag-arte nang komprontahin ang gumaganap niyang mister na si Jak Roberto na isang cheater.
Habang pinapanood namin ang episode na ‘yun, na-feel naming tila doon ibinuhos ni Kylie ang lahat ng galit niya sa mister na si Aljur Abrenica.
Sa isang fan Q&A, inamin ng aktres na hindi niya sinasadya pero minsan ay gumagamit siya ng emosyon mula sa karanasan para mas maging totoo ang kanyang acting.
Binigyang-diin ng aktres na bagama’t nag-e-empathize siya sa role, mas pinipili niyang huwag gamitin ang tunay na nangyari para sa personal niyang buhay.
Diretsa niyang inamin na hindi na siya ganoon kadaling magpatawad at magbigay ng pangalawang pagkakataon matapos ang lahat ng pinagdaanan niya.
Aniya, “Dahil sa mga pinagdaanan ko in my life, medyo kuripot ako sa second chances. So, no.”
Kasabay nito, pinuri rin siya ng mga manonood sa kanyang mahusay na pagganap bilang Gina sa Kapuso Afternoon Prime series na MFW kasama sina Gabby Concepcion, Jak Roberto at Kazel Kinouchi.
Sey niya, “Wala akong planong gumamit ng mga nangyari sa akin, pero kung minsan, kapag sumasagi sa aking isip ang nangyari, hindi ko na nakokontrol ang isip ko at doon na pumapasok na tila totoo na ang akting na ginagawa ko.”
Dagdag pa niya, malaki ang naitulong ng kanyang empathy upang maisapuso ang kanyang role.
