Vice, nabulgar na may sarili nang network

ni Ronalyn Seminiano Reonico | July 10, 2020

Ibinulgar ng dancer na si Koko Artadi, lead dancer ng Club Mwah, sa kanyang Facebook post na diumano’y mayroon nang sariling network ang Unkabogable Star na si Vice Ganda.

Post ni Artadi, “Miss n’yo na ba s’ya? Well, the long wait is over July 17, sabay-sabay natin

salubungin at ipagbunyi ang pagbabalik ng phenomenal superstar..

"‘THE VICEGANDA NETWORK!’ oh my ghad excited much I’m so proud of you Jose Marie

Borja Viceral. Pls. share the good news thanks!!”

Kalakip ng kanyang post ay ang conversation nila ni Vice kung saan mababasa ang message ng Unkabogable Star sa kanya na: “‘Eto super busy na malapit na kasi launch ng digital network ko. TheViceGandaNetwork. Sa July 17 na.”

Sagot naman ni Artadi kay Vice, “Ha?!!! Ay bongga!!! Congrats the, marami kang matutulungan n’yan ‘yung mga taga abs na nawalan ng work. I’m so proud of you the, congrats!!! Puwede ko ba i-post ‘yan?”