Roque, isinugod sa PGH dahil sa COVID-19

ni Mary Gutierrez Almirañez | April 10, 2021

Dinala sa Philippine General Hospital (PGH) si Presidential Spokesperson Harry Roque dahil umano sa COVID-19, batay sa isang source ng ABS-CBN News ngayong araw, Abril 10.

Unang nagpositibo sa COVID-19 si Roque nitong ika-15 ng Marso at kalauna’y gumaling din. Maliban dito ay mayroon din siyang diabetes at sakit sa puso na iniinda.

Sa huling tala ng PGH ay mahigit 224 na COVID-19 patients ang naka-admit sa ospital, kung saan may 2 na probable case at isang suspected case sa naturang virus.

Sa ngayon ay hindi pa kinukumpirma ng kampo ni Roque ang kasalukuyan niyang kondisyon.