BULGAR
Mar 26
ni Angela Fernando - Trainee @News | March 26, 2024
Natagpuang patay dahil sa pamamaril ang pinakabatang mayor ng Ecuador na si Brigitte Garcia, ayon sa national police ng kanilang bansa.
Sa isang pahayag sa X, sinabi ng pulisya na ang 27-anyos na mayor ng San Vicente, isang maliit na bayan sa baybayin, ay nakita sa isang rental car kasama ang kanyang communications director na kinilalang si Jairo Loor, na namatay din dahil sa tama ng bala.
Lumabas sa imbestigasyon na tila mula sa loob ng sasakyan nanggaling ang mga putok ng baril.
Kinumpirma naman ng mga pulisya na magsasagawa sila ng mas malalim na imbestigasyon.