Paglabas ng mga Pinoy sa Gaza, siniguro ng Israel — P-BBM

Filni Angela Fernando - Trainee @News | November 3, 2023

Nangako ang Israel na bibigyang aksyon ang pagtawid ng mga Pilipino mula sa Gaza sa Rafah border crossing, ayon kay Pangulong Ferdinand Marcos Jr.

Aniya, alam niya ang pangamba ng mga Pilipino sa mga OFW na naiipit ngayon sa pambobomba ng Israel sa Gaza.

Sa kasalukuyan, may 115 sa 134 na Pilipino ang naghihintay ng pahintulot mula sa pamahalaan ng Israel na tumawid sa Rafah, habang 19 naman ang hindi pa nagbibigay ng kanilang desisyon.

Ayon naman sa Department of Foreign Affairs, natatagalan ang paglabas ng mga Pinoy dahil sa ibang dahilan at limitadong bilang na pinahintulutang tumawid.