BULGAR
Jan 3
ni Eli San Miguel - Trainee @News | January 3, 2024
Umabot na sa 557 ang bilang ng mga nadisgrasya dahil sa paputok ayon sa naitalang ulat ng Department of Health (DOH), ngayong Miyerkules.
Sa isang abiso, sinabi ng DOH na naitala ang 114 na bagong kaso mula alas-6 ng umaga ng Enero 2 hanggang alas-5:59 ng umaga ng Enero 3.
Sinabi rin nito na isang 10-buwang gulang na sanggol ang pinakabatang kaso mula sa Metro Manila o National Capital Region (NCR) na nasugatan sa kanyang kanang mata dahil sa isang kwitis na sumabog sa loob ng kanilang bahay.
Samantalang isang 77-taong gulang na lalaki naman ang pinakamatanda na kaso mula sa Ilocos Region na nadisgrasya dahil sa isang whistle bomb na pinaputok ng ibang tao sa kanilang bahay, idinagdag ng DOH.
Ipinakita rin sa abiso na mga kalalakihan ang halos siyam sa bawat sampu o 98.86 porsyento ng 114 na bagong kaso.