Batangas mayor na nagpositibo sa COVID-19, pumanaw na

ni Ronalyn Seminiano Reonico | October 25, 2020

Pumanaw na ang alkalde ng Lian, Batangas na si Mayor Isagani Bolompo, 68, na nagpositibo sa COVID-19 noong Sabado nang gabi sa Lung Center of the Philippines, Quezon City.

Si Bolompo ay unang isinugod sa Western Medical Center, Balayan noong October 17 kung saan siya tinest sa COVID-19.

Ayon naman kay Batangas health chief Rosvilinda Ozaeta, “Since last week, contact tracing by the local government (of Lian) had been going on.”

Samantala, wala pang inilalabas na hospital record na nagsasaad ng dahilan ng pagkamatay ni Bolompo.

Si Bolompo ay isang medical doctor bago siya nagsilbing mayor ng Lian.