Badyet sa air defense ng DND, tataasan ng Senado

Pni Angela Fernando - Trainee @News | November 20, 2023

Kinumpirma ni Senate President Juan Miguel Zubiri ngayon na magbibigay ang Senado ng malaking dagdag sa badyet ng Department of National Defense (DND) para sa 2024 upang mapabuti ang air defense ng 'Pinas.

Nagpahayag si Zubiri sa plenarya ng Senado ukol sa deliberasyon ng P233.272-bilyong panukalang badyet ng DND para sa taong 2024, nang matanong ni Deputy Minority Leader Risa Hontiveros tungkol sa pondo para sa missile units at drone units ng bansa.

Aniya, masayang sasalubungin ng Defense chief, kalihim ng Armed Forces of the Philippines na si Gen. Romeo Brawner, kasama ang mga tauhan ng Armed services ang inisyatibo ng Senado.

Magkakaroon pa ng isang executive session ang mga senador para sa mga detalye ng mga plano ng DND para maisaayos ang kakayahan ng depensa ng bansa.