49 coast guard, positive sa COVID-19

May 49 personnel ng Philippine Coast Guard ang nagpositibo sa covid-19.

Ayon kay PCG Commandant Vice Admiral George Ursabia, sa nasabing bilang ay 30 na ang nakarekober.

Habang ang iba naman sa kanila ay patuloy pang lumalaban sa sakit.

Ang PCG ay kasama sa mga frontliner na tumutulong sa pag-asiste sa mga overseas Filipino workers (OFWs) na dumarating sa bansa.

Tumutulong din sila sa pag-asiste sa iba pang ahensiya ng pamahalaan gaya ng Overseas Workers Welfare Administration (OWWA).

“Itong effort at itong hinaharap nating pandemic, first time natin na harapin ito. Since na first time natin, siyempre nabigla tayo,” pahayag pa ni Ursabia.

Kaya naman kahit na nagulat at walang umiiral na doktrina ay patuloy aniyang kumikilos ang PCG.

Kumpara aniya sa mga nakalipas na proseso ng pagtanggap ng mga OFWs, nagkaroon na aniya sila ng improvement sa ngayon.