6 sa NBI, positibo sa COVID-19

Nagpositibo sa isinagawang COVID-19 rapid test ang anim katao sa National Bureau of Investigation (NBI).

 Gayunman, hindi idinetalye ni NBI Spokesman Ferdinand Lavin kung ang anim na ay staff o detainee na nasa kustodiya ng NBI.

Nabatid na sumailalim sa rapid test ang mga detainees at staff na aabot sa 200 katao noong Biyernes.

Ani Lavin, isasailalim sa confirmatory swab test ang anim. Nalaman na nagsagawa ng rapid testing sa NBI matapos na mamatay ang isang matandang detainee dahil sa COVID-19. Isinailalim sa partial lockdown ang NBI noong Huwebes para sa isasagawang rapid test at disinfection.