Ka Ambo
Apr 5, 2020
Walang nagrerekomenda na tanggalin ang lockdown.
Trabaho o buhay?
◘◘◘
UMAASA ng tulong mula sa gobyerno ang milyun-milyung Pinoy.
Isang suntok sa buwan!
◘◘◘
TINALO ng China ang U.S. sa pagkontra sa COVID-19.
Maging ang Europa ay lumabas na inutil laban sa pandemic!
◘◘◘
NANINIWALA tayong nagaganap na ang Ikatlong Digmaang Pandaigdig.
Ang modernong digmaan ay nasa kakaibang dimensiyon!
◘◘◘
MALINAW na masusukat ngayon kung sino ang pinakamakapangyarihang bansa sa balat ng lupa.
Hindi nuclear arms ang panukat sa world power, bagkus ay kung paano makaliligtas sa pandemic!
◘◘◘
NAKAIISKOR ang China laban sa COVID-19.
Ito ay sa ngayon pero, ikinatatakot nila ang “relapse” o binat.
Ito ay ang “second wave” ng virus—kung saan posibleng magkaroon ng mutation!
◘◘◘
WALA pang natutuklasang vaccine laban sa COVID-19.
Bago makatuklas ng gamot at vaccine, maaaring may bago nang “strain” kung saan hindi na tatalab ang matutuklasan bakuna at gamot!
◘◘◘
NAMUMURO ang extension sa lockdown.
Patuloy ang pagdami ng kumpirmadong may virus.
Kahit alisin ang lockdown, wala pa ring maglalakas ng loob na lumabas ng bahay!
◘◘◘
NAKAHANDA ang China na saklolohan ang Pilipinas.
Hetong U.S., paralisado ang gobyerno—nagmamakaawa sila ng tulong mula sa ibang bansa!