NBA Nets owner Tsai, nag-donate ng ventilators at masks sa New York

Nagkaloob ng 2.6 milyong medical masks, 170,000 goggles at 2000 ventilators ang billionaire co-founder ng Chinese ecommerce giant Alibaba at may-ari ng NBA Brooklyn Nets team na si Joseph Tsai kasama ang kanyang misis na si Clara Wu Tsai sa New York kung saan naroon ang pinakamaraming apektado ng COVID-19.

“We kept hearing cries for (personal protective equipment) from our community and wanted to help,” saad ni Clara Tsai. “It’s our intention to help the most undeserved institutions.”

Binanggit niya ang Jacobi Medical Center at Lincoln Medical Center sa Bronx at Elmhurst Hospital sa Queens na mas kinakailangan ng dagdag na tulong.

Samantala, inanunsiyo rin na si New York Governor Andrew Cuomo ay nag-donate ng isang milyong surgical masks.

“This is a big deal and it’s going to make a significant difference for us,” saad ni Cuomo.