BRT
Apr 2, 2020
Hinikayat ang iba pang pulitiko na tumulong na rin sa pagbibigay ng makakain sa mga kababayang nakararanas ng gutom dahil sa COVID-19.
"I am sure meron bawat isa sa atin na nasa puwesto ay may mga extra na ilang kilo ng bigas at mga delata sa ating bahay na maaaring ipamigay sa ating mga nasasakupan na nangangailangan," ani ACT-CIS Cong. Eric Yap.
Sinabi pa ng mambabatas na wala namang pasok ngayon kaya magandang gamitin ang pagkakataon para mag-repack ng pagkain na ibibigay sa mga 'less fortunate' na kababayan.
Umaasa ito na tutugon ang ibang pulitiko sa kanilang panawagan na tumulong.
"Kapag election ay lumalabas at namimigay ang mga pulitiko, sana ngayon din ay mamigay sa mga nangangailangan," pahayag pa ng mambabatas.