Bomba natagpuan ng lolo

Iloilo—Isang bomba ang natagpuan ng isang lolo kamakalawa sa Bgy. Q. Abeto, Mandurriao.

Ang bomba ay natagpuan ni Ortencio Malones sa loob ng kanyang bakuran.

Ayon kay Malones, naghuhukay siya sa kanyang bakuran nang matagpuan niya ang bomba kaya agad niya itong ini-report sa mga awtoridad.

Nabatid na isang uri ng mortar bomb ang natagpuan ni Malones sa kanyang bakuran.

Sa kasalukuyan ang bomba ay nasa pangangalaga na ng Explosive and Ordnance Division Team ng pulisya.