BRT
Mar 30, 2020
Nakatakdang gawing quarantine area ang isa sa mga isla na kinokonsidera bilang tourist destination sa Jose Panganiban, Camarines Norte.
Sa panayam kay Mayor Ariel Non, dumarami na umano ang bilang ng mga person under monitoring (PUMs) at nahihirapan na silang hanapan ng lugar para i-quarantine ang mga ito.
Kaya nagdesisyon na sila na gamitin ang Calalanay Island bilang quarantine area lalo na ng mga galing sa Metro Manila na pumasok sa Bicol Region.
Kaugnay nito, tiniyak naman ng alkalde na may kumpletong pasilidad na magagamit ang mga ipapasok sa naturang isla at may nakabantay ding mga frontliners.
Magkakaroon din ng mga recreational at reflection activities na makatutulong sa mga PUMs.