MMDA GM Usec. Garcia, positibo sa COVID-19

Kinumpirma ni Metropolitan Manila Development Authority General Manager Undersecretary Jojo Garcia na nagpositibo siya sa Coronavirus Disease 2019.

 Ayon kay Garcia, ipinabatid sa kanya ang resulta ng pagsusuri kagabi at ngayon ay kinakailangan muna niyang magtrabaho mula sa kanilang bahay.
 

"I wish to inform everyone that I will have to work from home as I have been found positive for COVID-19. My work puts me under a lot of risk, and this is part of it. I embrace this challenge with full trust and faith in God that I will overcome the same with your prayers,” ani Garcia.
 

Sinabi ni Garcia na hindi nito matukoy kung paano siya nahawa ng coronavirus ngunit, posibleng nagkaroon siya ng exposure sa taong positibo sa COVID-19 noong Marso 17 o 18.
 

Sa ngayon ay walang nararamdamang ibang sintomas ng COVID-19 si Garcia maliban aniya sa kaunting pag-ubo.