Levi Gonzales
Jan 15, 2020
Isang barangay kagawad ang pinagbabaril ng mga hindi pa nakikilalang lalaki sa Sitio 6 Looban, Bgy. Balagtas, Batangas City.
Sa inisyal na imbestigasyon, ala-1:10 ng madaling-araw, sakay ng kanyang Nissan Sentra ang biktimang si Danilo Manalo, 53, may asawa, nang abangan ito ng mga suspek.
Agad siyang pinagbabaril sa iba’t ibang bahagi ng katawan bago nagsitakas ang mga salarin. Nadala pa ito sa pagamutan subalit, binawian din ng buhay.
Nagsasagawa na ng imbestigasyon ang pulisya sa motibo at nasa likod ng nasabing krimen.